第一波●自家製薯角薯條

光波爐終於到手
急不及待搵D簡單野試試機先!

見剩佐D焗薯用嘅薯仔
就貪得意拎佐黎整薯條....薯角!

新手試機..咩都唔識
一次過放晒落光波爐到


過佐一陣...見有D唔對路

於是就分番開佢地!

*黑椒芝士薯角*
250度5分鐘，5分鐘後反一反
5分鐘後，落黑椒
再過5分鍾落芝士，2-3分鐘後搞掂!!

味道唔錯! 不過略嫌唔夠外脆內軟~
不次試下時間耐D先落芝士!

*黑椒薯條*
250度，10mins
加少少鹽&黑椒，大功告成! 

靚太新煮意❤光波爐

哎唷唷...我個blog出晒菇仔喇 

終於捱完兩個月OL 朝9晚6嘅生活!
呢兩個月對於我呢D夜鬼黎講...簡直係辛苦到不得了!
晨咁早就要起身....夜晚12點未夠已經眼訓到不行!
無論返工定放工...用黎搭車嘅時間都比以前住沙田果陣用多一倍!

好多人都話返早收早D時間會好好用...
但我個人認為都係貓頭鷹生活岩我D!!! 哈哈.....

言歸正傳，今次唔講Wedding Review!
講吓我嘅靚太生活!

同6299一齊住....大多數時間都係佢地煮飯!
不過佢地煮嘅餸唔係好岩我口味...
所以有時一有機會...就會叫老公煮飯俾我食!! 哈哈.....
其實我唔係唔識煮飯ga! 只不過係我唔想喺6299面前煮~
陣間我煮得好食過佢地就唔好啦!

結婚前已經同老公講...好想買光波爐!
但係一直都遇唔到團講....
等了又等....終於喺6月頭等到BEECRAZY有團購
德國寶限量版黑色 7L 團購價$699! 實在諗唔到唔買嘅理由!

等佐2個月...等到頸都長埋!
8月頭終於收貨!  

【1234 Review】❤ 男家●入門

經過十多分鐘的車程，好快就到男家樓下
比原定時間提早到，That's Good!

姊妹們話一定要影低我地嘅呢一刻!

新娘入屋，金銀滿屋
Yo~老爺奶奶，我黎喇!

踏入男家門後，老爺奶幻迴避完畢!
奶奶由房門步出之後，一個箭步走去派利是
我同老公無奈到極! 唯有企埋一邊呆等!!

等奶奶派晒利是，終於可以開始斟茶儀式
飲過新抱茶，富貴又榮華!

多謝老爺奶奶，爺爺嫲嫲，姑媽!

梁家新抱，正式誕生!

萬千寵愛在一身

禮成之後，就緊係一大班人去飲茶啦!
要轉妝換衫，我同幾位好姊妹就緊係冇得去啦!

好姊妹Eva曾經喺婚紗公司做過part-time，感謝佢幫手換衫
如果冇佢，都唔知要幾耐時間先可以搞掂! (因為我件婚紗係要綁繩的!!!!!)
Lianne亦都好快手就幫我轉好妝!

老公嘅人肉外賣未到，影吓相先!

食飽玩飽等齊人後，起行去拉斐特喇!

to be continue。。

相關婚禮後記:
【1234 Review】❤  姊妹準備篇
【1234 Review】❤  兄弟準備篇
【1234 Review】❤  接新娘? 玩新郎! (I)
【1234 Review】❤  接新娘? 玩新郎! (II
【1234 Review】❤  女家●出門

【1234 Review】❤ 女家●出門

兄弟姊妹收拾好就出門喇!

姊妹們一時心急，連我個花球都拎走埋
搞到出門時候冇花球在手，好奇怪唷!!

落到lobby，即刻拎番個花球先!

由於沿途都冇好地方可以影外景，所以唯有喺呢到影

兄弟姊妹大合照

出發去男家喇!

往男家途中

to be continue。。


相關婚禮後記:
【1234 Review】❤  姊妹準備篇
【1234 Review】❤  兄弟準備篇
【1234 Review】❤  接新娘? 玩新郎! (I)
【1234 Review】❤  接新娘? 玩新郎! (II)