【1234 Review】❤ 女家●出門

兄弟姊妹收拾好就出門喇!

姊妹們一時心急，連我個花球都拎走埋
搞到出門時候冇花球在手，好奇怪唷!!

落到lobby，即刻拎番個花球先!

由於沿途都冇好地方可以影外景，所以唯有喺呢到影

兄弟姊妹大合照

出發去男家喇!

往男家途中

to be continue。。


相關婚禮後記:
【1234 Review】❤  姊妹準備篇
【1234 Review】❤  兄弟準備篇
【1234 Review】❤  接新娘? 玩新郎! (I)
【1234 Review】❤  接新娘? 玩新郎! (II)

【1234 Review】❤ 接新娘? 玩新郎! (II)

玩得咁開心又點可以俾佢停呢!
繼續....

Game 4＊同甘共苦
為免兄弟們扭扭擰擰，姊妹們預先將兄弟們配對好
每組2人，由姊妹向天拋一對長手長腳的傻豹，兄弟要模仿公仔跌在地上的姿態
不合格的話，要接受味覺懲罰，準備了甜、酸、苦 3種味道的飲品
新郎需要在兄弟飲不同味道的飲品期間，分享一件與新娘的甜、酸、苦 事!

呢對傻豹唔易搵，搵佐2個禮拜...
結婚前2日先搵到!

我喺房裡面睇緊online tv，見到兄弟們玩到咁樣
笑到眼淚水都標埋出黎! 不枉我搵得咁辛苦!

攞命甜、酸、苦!
老公同兄弟們個個飲到叫晒救命
估唔估到係d咩呢?

開估!
甜: 糖漿 + 可樂
酸: 黑醋 + 檸檬汁
苦: 廿四味 + 手指水

真係好佩服姊姊們的idea!
樣樣野都係"黑蚊蚊"，就算睇到都唔會估到杯裡面係咩黎嘅

老公努力思考我們的甜、酸、苦事中

順利過關，姊妹都好識做暫時放老公一馬!
老公亦都識做，乖乖交出開門利是
伴娘接過開門利是後，姊妹們就緊係要求添D添D啦
呢個時候，老公將呢個重任交佐俾伴郎

擾攘一輪後，咁就可以接我出黎??
緊係冇咁容易啦! 點少得愛的宣言呢?

由於老公求婚時冇下跪，姊妹們知道之後，大家都異口同聲咁話呢個時候一定要老公下跪!
姊妹們真知我心

都唔知老公因咩事笑到見牙唔見眼!?

聽著老公讀愛的宣言，我感動得哭了!

老公過五關斬六將，終於等到交接啦!
爸爸訓話: 以後要鍚晒我個女! 唔准蝦佢!!

冇鬼用嘅我又眼紅紅

終於抱得美人歸啦!

很喜歡這張相的感覺!

飲過女婿茶，索過周秀娜

多謝湊大我嘅姨媽、姨丈，多謝好鍚我嘅亞姨，同埋亞叔!
個個飲到呢杯茶都係既開心又感動!

全家福

兄弟姊妹收拾中，沒事幹的我們當然要影多幾張靚相!

to be continue。。


相關婚禮後記:
【1234 Review】❤  姊妹準備篇
【1234 Review】❤  兄弟準備篇
【1234 Review】❤  接新娘? 玩新郎! (I)

【1234 Review】❤ 接新娘? 玩新郎! (I)

都估到班兄弟會拖延時間...遲遲都唔肯上黎
三催四請之下遲佐半個鐘有多!
好在之前編rundown嘅時候預鬆佐d時間..哈!

由於唔想影響到隔離房
所以我地決定所有game都係喺房裡面進行!

殺到黎喇!

當然緊係唔會咁順灘俾佢地入黎啦
首先，黎個 "入門見面禮"
兄弟們一人一個假髮，齊齊飲V8

點解會飲V8?
V8係大部份兄弟嘅死穴，佢地好唔鍾意V8隻味

熱身完畢! 遊戲正式開始!!

Game 1＊長長久久
派出5位兄弟做10下掌上壓先

完成10下掌上壓後，姊妹們就向佢地塊面噴水
然後再奉上放滿麵粉+9粒M&M紙碟
兄弟們要再做多10下掌上壓
喺呢10下掌上壓時間裡面，要搵出9粒指定顏色嘅M&M

唔知邊個咁醒目，帶頭吹走D麵粉以為可以容易D搵M&M
個個有樣學樣....搞到一片白茫茫

兄弟們呢個樣，完全係我地想要的!!

冇份玩嘅，睇得幾開心!!

睇吓玩完之後個地下

Game 2＊眾女尋她
姊妹們預先將新娘相片貼滿喺畫紙上，然後再貼上天花板
新郎要塗上紅唇烈焰，然後要用任何一切的方法拎找出新娘的9張照相片並送新娘一個吻!

呢個Game，對於老公黎講係冇乜難度
因為有個兄弟起碼有1.8米高! 只要兄弟們夠齊心就OK!!

Game 3＊甜甜蜜蜜
新郎&所有兄弟要除低一隻襪，然後夾在預早準備的紅絲帶上
要梅花間足地夾在糖與糖之間 (即: 襪→糖→襪→糖)
然後，姊姊們會將絲帶兩端繫到長長的地拖上，再高舉"糖襪串"，兄弟需輪流吃自己襪側的糖果

估唔到老公玩完Game 2之後仲keep住個紅唇，
再玩呢個Game，影相出黎效果又幾好wo!

兄弟們食相!

兄弟們著襪，好搞笑

to be continue。。


相關婚禮後記:
【1234 Review】❤  姊妹準備篇
【1234 Review】❤  兄弟準備篇