14 April 2013, Sunday
時間過得真係快! 今日嘅我又大一歲lu! Happy Birthday!!
向來鍾意玩surprise嘅老公，依然貫徹始終繼續玩神秘
一直都好口密，唔肯講會帶我去邊!?only話約我4點要出門口
準時4點出門口，懷著興奮又疑惑的心情跟住老公去搭車
沿途一齊都唔肯講去邊! 直至去到旺角，先肯講話帶我去一個好耐都冇去過嘅地方!
心想: 唔通帶我上山頂?
點知去到金鐘，老公話要落車! 咁即係唔係去山頂啦! 去山頂係搭去中環ga ma!
滿腦子問號去到CWB落車，依然都係唔知要去邊!
直至去到燈籠街先知，原來老公帶我去赤柱!
回想起對上一次踏足赤柱，應該已經係10年前嘅事! 好耐歷史lu!
周圍閒逛一吓，發覺原來好多人黎呢到影pre-wedding! 沿途都已經見到3、4pairs!
好可惜今日天氣麻麻地，無緣睇日落! 唯有周圍影!
都估到係黎美利樓食dinner，不過估唔到食德國菜wo!
餐廳內滿佈德國的裝飾及擺設
老公特別request要坐outdoor!
因為indoor有live band，會好嘈! outdoor會靜d，可以浪漫d!
不過outdoor燈光偏暗，好難影相
我們點了Set Dinner for Two!
有2款頭盤，2客湯，3款Main Course同埋甜品拼盤
什錦麵包配牛仔肝醬及香草芝士醬
微微暖的麵包外脆內軟，超正!
可能我唔鍾意食鵝肝，所以覺得牛仔肝醬唔好食!
老公就覺得芝士醬唔夠香! 反而我覺得唔錯wo!
一人一個醬唔洗爭! 我食芝士，老公食牛仔肝! 哈哈.....
蟹肉牛油果天寶配青露荀
賣相好靚! 蟹肉好鮮甜!
牛油果天寶其實係牛油果泥! 好耐冇食過牛油果! 原來唔好味嘅!
匈牙利牛尾湯
非常濃郁的味道! 好想飲完再飲!!
脆皮燒豬肘配酸梆棻及燒薯角
大大隻的咸豬手! waiter幫我地切好再奉上!
豬手的皮卜卜脆，裡面d肉就好嫩滑!
仲以為2人餐隻豬手會細隻d，點知原來同散叫的係一樣大! 抵食!! 
最後我地只係食佐一半! 帶佐半隻返屋企!
最後我地只係食佐一半! 帶佐半隻返屋企!
扒大蝦海鮮配什棻及燒蒜香草汁
估唔到呢道棻會有個飯!
個飯好特別，唔係一般白飯! 而係糯米飯黎ga!
熱食糯米飯原來好好味架!
焗珍寶野菌配忌廉菠菜
老公唔太like食蘑菇&蓄茄，只係食佐1/4! 其餘就被我KO了!
整個配搭都好match! 多番d蓄茄汁會仲好味!
好豐富呢! 
老公推介 超好喝的麥味啤酒
完全冇苦味! 好正!!
甜品拼盤
蜜桃芝士餅→咖啡慕絲→士多啤梨慕絲→朱古力慕絲→蘋果金寶
5款甜品味道各有不同!
最愛這個蘋果金寶! 
食飽飽，超滿足!
夜晚的美利樓好靚!
多謝老公今年咁有心思帶我去食德國菜!
多謝老公今年咁有心思帶我去食德國菜!
