起身嘅時候天都仲未光
一邊敷mask...一邊享受吐露港日出的靚景!
0645 MUA Lianne到達...埋位化妝!
期後姊妹的MUA到達.....各位姊妹亦都好準時陸陸續續到達
0730 小寶&Menbo準時到達
化妝中
姊妹們準備遊戲中
就喺呢個時候，發生佐一件令我同老公好勞氣嘅事:
話說婚期一個月前去純美confirm 十選五的禮品
揀佐online-tv.....可以俾我喺房裡面睇到玩兄弟嘅情況
其實之前都知道有一位師傅係唔會提供online-tv，我地心諗"唔會咁好彩嘅!"
點知就真係咁唔好彩....我地嘅師傅 - Menbo正正係果位師傅!!
Steve有叫我地揀其他禮品....無奈真係揀唔岩
所以最後都係堅持要online-tv!
Steve當時再三提醒我地
話Menbo只係會提供條線....唔擔保一得會睇到!
仲話如果到時真係唔得...之後可以改其他禮品!
我見小寶佢地黎佐都有一段時間
但係就唔見Menbo入黎test吓個電視
所以咪問吓小寶點解Menbo唔洗test吓 O唔OK
一問之下....Menbo話公司冇人同佢講過要準備條線
佢都係跟order做野.....仲話如果佢知道要做online-tv...佢就唔會接!!!
仲叫我自己睇番張單係咪冇寫....因為公司係跟單通知佢!!
聽到佢呢個解釋....我真係火都黎埋!
睇吓我個"忟樣"
隔佐一陣佢俾佐個電話我聽...原來係Steve
我話番俾佢聽我嘅情況...Steve都話佢記得我
佢又叫我睇番張單有冇寫!
張單喺老公到....於是咪即刻打俾老公問佢地出發佐未
幸好佢地未出發....要老公返上屋企影低張單whatsapp俾我...再俾Menbo睇
擾攘一輪後...真係佢地嘅問題
Steve就好快手...命人搭的士拎條線過黎!
真係有驚無險
一切準備就緒.....媽媽要幫我著褂喇!
之前仲以為呢一刻我會喊到收唔到聲...點知我又忍到wo!
兄弟們未殺到黎....大合照先!
to be continue。。
