結婚前一日當然緊係忙過不停啦!
好彩有伴郎幫手....車我地呢到去~果到去
今日行程非常緊密
出發前緊係要食飽飽先啦!
去佐禾輋大排檔，超掛住呢到嘅沙嗲牛肉麵!
我覺得呢到嘅沙嗲牛麵係最好食!
食飽飽就要開始忙碌的一天
第一站: 沙田>粉嶺
由於大部份婚禮物資都存放佐喺Honey屋企
原本諗住將所有物資擺晒上車後就可以起行
點知我呢個大頭蝦唔記得print out "接新娘game list"
搞到遲佐半個鐘先起行去第二站!
第二站: 粉嶺>九龍灣Mega Box
事前問過酒樓負責人可以俾我地寄存
於是我地就將大部份晚宴物資寄存喺到
方便佐d兄弟明天唔駛咁辛苦，難為我地3個好似走難咁款! 哈.....
第三站: 九龍灣Mega Box>旺角錦發
好好彩...去到錦發唔洗等
勁快手check過套褂&馬褂冇問題....俾埋尾數就走得!
第四站: 旺角錦發> 尖沙咀
不幸的...竟然遇上塞車
幸好有部notebook喺手....可以把握時間去執rundown,sitting plan....
比原定時間差唔多遲佐成個鐘先去到TST
搵位泊好車...就急急腳上去溫馨final fit
完成final fit後就去百利拎頭花&首飾
拎整晒所有野都已經7:00pm lu!
拿拿臨搵個地方dinner之後就回程返酒店
到達酒店都已經8:30pm
Honey幫我安頓好晒d野之後...就同伴郎返男家lu!
淨低我一個人喺酒店房...好努力咁盡最好努力執rundown!!
直至10:00pm....爸爸媽媽以及一眾親戚陸陸續續黎陪我喇
佢有佢地準備上頭儀式....佈置房間
我就繼續notebook不離手!
大頭蝦嘅我竟然10:50先去沖涼洗頭!!!
幸好趕得切冇耽誤時辰咋!
一梳梳到尾，二梳白髮齊眉，三梳兒孫滿地!
禮成! 我大個女喇!!!
等佐呢個機會好耐喇!!終於有得食湯圓喇!!!
明天就要成為人家太太喇!
爸爸媽媽&親戚們離開之後....
好姊妹Keiko黎佐陪我過夜!
可憐的我就....要盡最最最最最後努力執checklist!
執到3:00am~終於完成!!
把握時間! 訓覺!!!!
沒有留言:
張貼留言