Pre-Weddingの揀地方的煩惱

之前都提過o係未擇到日子之前
我地已經開始做不同o既資料搜集

o係pre-wedding呢方面
大家唔想o係香港影
因為唔鍾意影出o黎o既效果到到都好似差唔多
好多時都會見到d相背景一樣,pose一樣,衫都一樣...只係主角唔同

其實地點方面我o既first choice係日本
最想就係影櫻花或者影紅葉
初初Honey都贊成ga
不過睇睇o下就發覺好多去日本影o既pkg~未計機票住宿都已經最少要3萬
如果計埋再加埋買相.....實在太貴喇
無奈地要放棄去日本影

日本冇得諗...咁我唯有考慮台灣啦
台灣其實都唔錯丫!! 起碼好多景都好靚
我最鍾意係風格夠自然同HK影o既完全係2種味道
但係Honey竟然話唔係咁鍾意...否決o左我!
再一次無奈......

o係我諗唔到第3個地方o既時候
honey竟然提議話去麗江(返大陸影?????)
佢話麗江風景靚...同埋比較少見有人去麗江影
再再一次無奈!!!!

於是o係上年某一次expo
就去o左Fei Wedding到了解了解
佢地一d都唔hardsell~ 好詳細咁解釋每一樣野俾我地聽
當佢地解釋完行程&收費o既時候
佢地好nice咁叫俾o左幾本相簿我地
叫睇o下d婚紗同埋晚裝o既相
OMG!!!個人認為接受唔到囉!!!
就係因為咁我地冇即時confirm

之後同"四大長老"傾o左好多次
佢地最後都係建議我地去台灣影
原因係雖然麗江d景係好靚但始終d衫唔得
仲要原來成輯相都係大陸攝影師幫我地影
並唔係香港攝影師跟埋去影
同埋爸爸話覺得佢地d構圖好奇怪!
話晒都係一生人一次...叫我地唔洗諗lu!!!

兜兜轉轉原來最終都係選擇台灣!Yeah...Yeah...Yeah...!!!!