Pre-Wedding拍攝花絮@浪漫一生

晨早0700要去到浪漫一生化妝
造型總監-小蓮果然是一個cool cool的美人
而且化妝的時候非常專心
值得一讚

事前已經知道台灣一定會用安瓶
自己冇預備...諗住當俾造型師小費
但點知價錢同我所知的係咁大出入~~~後悔!!!!!!!
其實用佐之後我只係覺得個妝比平時貼
但係就不停係咁出油

化妝期間終於同攝影師阿寬見面
初初見到佢嚇佐一嚇
因為佢個樣好頹廢
一d都唔似攝影師..哈哈

等set頭中


0900化完妝
攝影師助理Ricky幫我們拍造型照

阿寬好好人俾時間我地自己玩

玩完之後就正式開始拍攝喇

景點1 - 浪漫一生陽光攝影棚
選擇呢到係因為窗外的楓樹
經過電腦後期加工可以有另一種味道

拍攝1個多小時後就向我地gei主景點出發
景點2 - 北海岸翡翠灣
車程要1個小時
我地由一開始就非常堅持一定要去
因為喺Expo睇sample時已經好鍾意好鍾意

轉妝換衫後另一次拍造型照+自拍時間


出發去景點3 - 大屯農場
在車上吃便當

天氣越晏越差
其實大屯農場都幾近海邊所以都幾凍o下

轉造型中
(非常榮幸攝影師幫我set頭丫)

事後先知呢張係難得的一張"合照"
左: 造型師 - 小蓮 ，中: 攝影師助理 - Ricky，右: 攝影師 - 阿寬
**Honey非常全神貫注地欣賞緊我地d相**

景點4 - 金色沙灘
原本打算影日落
不過天氣咁差已經知道會影唔到

當日喺海灘係好鬼好鬼凍
套衫仲好sexy凍到我"褸"不離身
海風不停咁由四面八方吹入我個body到
我覺得我同冇著衫係冇分別
估計當時氣溫最多只有11-13度CRAZY
影相gei時候真係凍到震影到尾仲差d喊佐出黎

完成難忘的海灘拍攝
小蓮非常細心喺車上不停催促Ricky開暖氣俾我
起碼過佐30mins我d手手腳腳先有番知覺
同Honey亦都喺不知不覺間睡著了

回到studio又係時候轉造型

成日都有好多人都話我似謝婷婷
以前自己一D都唔覺
但係呢個造型令我發覺原來又真係幾似ga
(當然，謝婷婷比我靚得多啦)

未試過見到Honey咁型英帥靚正gei一面(師呆了!!!!!!)

差不多12個小時拍攝實在太好玩喇
真係好想d時間行慢D
(又或者可以影多一輯啦)

再一次多謝浪漫一生crew

CS - Mandy: 非常用心去解答我地每一個問題

服裝 - 小燕: 眼光非常獨到，多謝你幫我揀佐一件咁有noise gei婚紗


造型師 - 小蓮: 雖然cool cool地，其實佢係非常用心去將你化到最靚最perfect

攝影師 - 阿寬: 為人非常搞笑又識得營造氣氛，成日都引我地笑捕捉我地最自然gei一刻

攝影師助理 - Ricky: 同阿寬一樣咁搞笑而且仲好細心，每換一次造型佢都會幫我影造型照，仲要影得好靚tim!!  (賺了)