My First Trial@溫馨 (下)

租衫~選擇溫馨
係因為一來同事話幾好
二來自己睇過佢d婚紗真係好靚
不過事前冇上網做過關於溫馨gei research

事後再上網睇先發現原來d comment越來越差
部分comment:

- staff態度幾好，好少會黑面
- 試衫要1次過，揀定就冇得轉款
- 冇相簿，由佢做主導佢覺得邊件適合你就俾你試
- 唔可以影相

事前見到d comment咁樣已經有d擔心
第一次試衫之後有不愉快經歷就真係好好好好好好擔心
我真係完全發掘唔到佢地好gei一面

- Staff態度幾好，好少會黑面

黑面我就見唔到
但係完全唔覺得佢地態度好好囉
有乜理由可以悔氣到咁先得ga?

- 試衫要1次過，揀定就冇得轉款

其實join gei時候講過
4月先試1次婚紗hold款，8月揀晚裝時可轉婚紗
o個時問佢點解咁早就要揀，佢話
"你都知每年9月至出年3月係旺季ma"
"早d揀定咪可以hold到心水靚款囉"
"同埋到時會有新款返ma"

講就講得好有道理
試一次唔緊要
但係最大gei問題係點解要我早o係7個月前就要confirm晚裝?
所謂gei新款到我big date都已經唔知仲會有幾"新"囉

- 唔可以影相

join gei時候佢冇話我知
問我同事佢都話係試衫o個陣先知
於是我打電話去問

    我: 你地呢到唔俾人影相ga?
溫馨: 可以咁講啦! 都係想保障番我地同埋d客gei權益ja
    我: 咁點解當初我join gei時候你地唔講清楚?
溫馨: 我地好難同每個客都講清楚ga ma，你地有眼自己識睇啦
    我: 點會好難講呀?呢樣野都係你地gei條款之一黎ga ma!
          你識得同我地講幾時幾時要試衫!咁點解呢樣野你又唔講?
          如果你當初有講呢個都會係我考慮因素之一!

溫馨: (扯開話題) 其實我地唔係完全唔俾你地影相，
          我地可以俾你影條裙gei一個角落影布料，只係唔可以著住條裙黎影ja!!
    我: 唔可以著住條裙黎影?咁我點俾個化妝師睇呀?佢點樣幫我諗造型呀?
          再講~淨係影條裙gei一個角落有咩用?好多時著上身同就咁睇係唔同ga ma!
溫馨: 其實我地都開佐咁耐，一直以來都係咁!d客俾化妝師睇完都話冇問題!
    我: 一直以來都係咁唔代表你地冇問題ga wo??
          d客都已經肉隨砧板上啦!!仲可以say no話唔租咩??
          你地為佐做生意~真係有客話有問題你依家都唔會話我知啦!!
溫馨: 我地唔俾你地著住黎影相都係想保障你地ja! 你都唔想你揀果d款咁快俾人睇晒ga ma!?
         我地d衫好多都係自己design! 唔想咁快就俾人抄款!
    我: d客黎租衫都係結婚o個日著ga la! 結婚o個日有邊個會唔影相呀?
         d賓客又會唔影相gei? 佢地都會放上網同人地share ga la!

溫馨: (啞口無言繼而扯開話題)乜你覺得著上身影相真係咁重要咩?
    我: 係!我覺得好緊要!! 如果當初知道你地係咁樣我就唔會join囉!
          (正當我想講退錢gei時候....)
溫馨: 或者咁樣啦! 我幫你remark番到時你8月黎揀晚裝gei時候我俾你著上身影啦!!
         不過係你confirm晒所有款先wo~同埋都希望你合作唔好話俾其他人知!!!

表面上我好似勝利佐
實際上我寧願佢退番錢俾我!!!!

依家最壞打算
8月照去揀~揀到就揀
如果揀唔到就將剩餘d qutoa 俾媽媽/未來99/伴娘/亞妹
總之俾得就俾!!!!!!!!!!!!
之後再去搵過第2間租衫!!!

我真係十萬個唔願意咁早就confirm晒d晚裝
有冇人可以俾d意見我教我應該點好呀????