My First Trial@溫馨 (上)

21 Apr

終於等到first trial試婚紗的日子
今次目的係要先hold一件婚紗

Honey話怕悶又想有個人可以俾下意見
所以約佐未來99去
未來99又話想我約埋媽媽去俾下意見
(我去試婚紗ja~唔駛咁多人呀?人多意見多咪盞搞)
唉......皇命難為!!!!!!

約佐1330
媽媽趕唔切同我一齊出去所以我地一行三人上去先
遲佐5分鐘~上到去已經見佢地準備好我之前試果3件婚紗
氣都未回就已經叫我換衫
心諗: 駛唔駛咁急呀?你地應該都預佐d客慢慢試~試到o岩心水為止ga la
唔駛5分鐘已經著好第一件
著佐上身1分鐘多少少
Honey同未來99望佐都唔夠1分鐘就叫我換第二件再睇

好....換第二件
今次呢套著得耐d喇
因為我地喺到討論緊件婚紗
大約2分鐘到啦又叫我再換
OK!!!! 我忍......

到第3件
佢地今次意見多D所以我可以著得耐D
5分鐘到~再叫我換第4件
呢個時候gei我已經黑黑地面
何解要咁趕呀??????

第4件
佢地一樣都係好多意見所以都可以著耐D
呢個時候幫我換衫個小姐同我有以下對話

小姐: 都已經試佐4件唔同類型na wo...仲未有o岩心水呀?
    我: 係呀! 未有呀!!
小姐: 咁你之前試果3件唔係有1件好鍾意gei咩?
    我: 之前試gei時候係...依家再試覺得麻麻地
小姐: 咁你其實想要d咩呀?
    我: 我唔係咁鍾意有太多紗，太多層次好似一層層蛋糕果d款囉
小姐: 咁你即係鍾意d咩呀?
    我: 我鍾意夠閃囉!!!
小姐: 頭先第3件咪閃囉! 你都唔鍾意啦!!!
    我: (悔氣地) 係呀! 第3件係好閃~不過我唔鍾意d羽毛ma!!!!
小姐: (亦都悔悔地氣) 咁我拎件新返閃紗俾你睇啦!

就係咁佢就拎佐件新返gei俾我試
一試上身真係好明顯係新返gei
因為件婚紗真係好白好白

小姐: 點呀?呢件鍾唔鍾意呀?夠晒閃!
    我: 唔錯wo...又真係幾閃gei!
小姐: 咁你鍾唔鍾意丫?
    我: 鍾意呀!!!
小姐: 咁得ga na!就幫你hold起呢件啦! 依家幫你除佐佢因為有個客都等緊試!
    我: 吓??哦.......

(幫我除緊婚紗gei時候)

小姐: 我幫你除完之後你等一等! 我叫師傅幫你度身!!
    我: 哦! 冇其他款試喇咩?
小姐: 如果你鍾意閃紗料的話暫時未有呀! 我地依家係得呢1件jar!
    我: ................

整個過程只係用佐35分鐘
難為媽媽去到半路中途就俾我叫佢唔駛黎
未來99同Honey都好"岳"然點解咁快搞掂?
臨離開gei時候果到d人仲千叮萬囑我記得8月一定要上去揀晚裝
係咁話8月有新款返....如果遲過8月就冇得揀
最終我黑面離開!!!!!!!!