第N次遊婚展

自從決定結婚之後
無論大大小小的婚展都會因為某D目標而去
有時無目標都要去逛一逛先安樂
今次已經係唔知第幾次lu~

其實好多野都已經confirm晒
今次係因為要KO婚前檢查而去的

之前一直都好掙扎到底家計會定係Kinetics好
最終都選擇了好多blogger讚好的Kinetics
價錢比家計會平，仲有$50百佳coupon送
而且檢查項目都比較多

我地join了詳細婚前檢查計劃
原本仲諗住還掂都做開body check，加$360做埋附加檢查
不過Honey話唔洗wo! (其實我真係好想!!)

搞掂婚檢....之後去佐睇帖
為佐要match番我地theme colour
一早就已經決定佐帖gei顏色係Tiffany Blue
但係之前喺金都睇過御苑印帖gei幾間鋪頭
都唔太覺有Tiffany Blue色gei帖
所以唯有放棄御苑送gei帖

Expo得2間印帖公司有擺booth
一間係新婚印象，另一間係名帖
新婚印象係御苑其中一間可以揀gei印帖公司
咁即話可以唔駛睇，亦都冇得揀

幸好"名帖"有Tiffany Blue gei帖，可以放心join!
Expo join有8折，再送利是封&貼紙
訂金$300訂，仲可以拎6個sample走
雖然要洗多一筆錢，但係要靚...冇計啦!

搞掂晒...Honey話過去另一邊遊個圈
心想"ei...唔通Honey改變主意肯同我影多輯Pre-Wedding?"
原來係空歡喜一場....唔係諗住影多輯咁仲有咩好行wo?
搞到我越行越down!!!!

離開Expo，見時間尚早
去TST拜會只開五、六、日gei趙太   
趙太最出名係gei恤衫，因為有好多個碼
不過我地係為佐租男禮而去的

Honey身型偏瘦，要搵到一套完全fit身gei禮服有一定難度
之前喺溫馨試身，佢地話啱size gei著佐上身之後好奇怪
點試都好...試極都係唔好睇

喺趙太到租西裝$600/套，二手$1000/套~其實都幾抵ga!
但係Honey唔多會著西裝，買二手都只係會著一次
所以最終都係選擇了租

趙太佢好高要求ga，講到明我地唔怕佢煩gei先好決定
因為佢一定要將套西裝改到佢滿意為止先會交貨
佢唔鍾意D人著衫著到衣不稱身，由其結婚一生人一次，點可以馬馬虎虎呢!

聽完佢趙太咁講，完全好放心!
不過西裝只係得黑色同埋灰色揀
我地想租多套白色就要再喺出面再租了
趙太Blog

一日內，又再KO多3樣野
實在太好了!!!!