印帖去

30Nov
自從踏入倒數100天後
突然間覺得時間過得特別快!!
每次放例假都好唔得閒
好多結婚gei鎖碎事都好似排山倒海咁等住我去做
趁住今日放假，去佐灣仔印帖

難得過海....緊係唔放過呢個機會
去佐中環gei勝香園食野醫肚仔

已經係3點鐘都仲好多人

叫佐最出名gei茄牛公仔麵 + 檸蜜脆脆
蕃茄湯底又香又濃!

大愛佢係用新鮮蕃茄製成，酸酸甜甜，非常醒胃!
未食晒個麵都依家差唔多飲晒d湯!!
Honey不嬲都唔鍾意食蕃茄，俾佢試佐一啖連佢都話好好味....
忍唔住再叫多一碗!

檸蜜脆脆都係甜甜酸酸，令人好開胃!
等15mins都係值得!

食飽飽...就搭丁丁去灣仔!!
搭丁丁其實都係一件好寫意gei事

見住街上人來人往，車來車往
喺丁丁上會覺得好relax!

去到名帖，諗住再睇下有冇其他靚靚款
可能我地已經有心水，所以睇極都覺得好似爭少少咁
sales話1月5號有得拎帖
數數手指.....我地1月8號過大禮....時間只係剛剛好
如果再遲多一個禮拜去就趕唔切喇!! 好彩......

KO佐印帖，去佐Sogo奇華買餅咭
(因為之前同事俾佐張8折coupon就到期)

買完餅咭之後發生佐段小插曲

話說未來99同媽媽之前傾過大禮d野gei時候
未來99話所有野都要回一半，包括唐餅!
於是我就同佢講唐餅,西禮係女家gei野....唔駛回!
點知未來99就好肯定咁話" 總知我俾d咩你女家...到時就全部野都要回番一半俾男家!!!!"
我聽完覺得好奇怪! 於是就周圍問我d結佐婚gei同事、朋友
得到gei答案係" 唔駛回! "

於是我就喺買完餅咭之後先話俾Honey知
頭先買gei餅咭全部都冇預佢亞媽!
我以為佢會明我點解咁樣做，點知佢即刻打俾未來99同佢講
講講吓仲俾佐個電話我同佢講

我咪同佢解釋番點解唔駛，我話好似西餅餅咭咁
唔通到時過完大禮之後我又要回番一半俾你?
點知未來99話西餅唔同唐餅!!!!
我真係好唔明有咩唔同!?!?!??!?

喺果一刻我真係忍唔住喊佐出黎!
有冇jm可以話俾我知
"到底唐餅要唔要回番一半俾男家??"