牛一快樂!

14 Apr 12

成為靚太後...第一次以梁太身份過生日
心情係特別唔同d! 感覺好sweet sweet!
事前老公打算俾個surprise我~唔話俾我知會同我去邊到慶祝
但係佢自己又忍唔到口...爆佐俾我知會帶我去食buffet
不過又忍口唔講去邊到食....搞到我"囉囉孿"佐幾日

原來老公帶我去The Place@Langham Place Hotel
真係完全估佢唔到!

wakakaa....好浪漫呀!

其實坐低冇耐...發生佐段小插曲
話說老公出去拎野食...我就拎部相機出黎諗住影靚相!
點知就喺呢個時候發現自己做佐一件好錯嘅事→→→就係記得相機唔記得帶sd card
已經唔係第一次! 試過有一年生日又係咁...勁掃興!
俾老公哦佐2句..話我冇手尾...咩mood都冇晒!
老公見我扁晒咀~即刻叫我等佢一陣...佢去買張新咭!
喺呢一刻真係好感動! 自己真係冇嫁錯人....老公真係好鍚我!

買佐張新咭返黎...即刻影張靚相先!

賣相好似好好味咁，但其實味道一般!
生蠔洗得唔乾淨...有沙! 蟹腳冇鮮味...d肉仲要痴殼tim~
冷盤令人失望!

熱盤....不過不失!

開始飽飽地
自拍吓....消化一吓!

係時候進攻我最愛嘅甜品，甜品賣相好像不錯!

 不過老公話好多都偏甜...唔多岩我食!
所以我都唔敢食太多! 影吓相就算!
我只係食佐 <椰絲班蘭蛋榚> & <綠茶豆腐慕思>
值得一讚....淡淡地，好好味! 好岩我口味!

好開心...呢到有得食MOVENPICK
仲要係我好鍾意的Strawberry!! 忍唔住食佐3球!!!

食到呢到其實已經好飽飽! 酒店仲有個cake送俾我地!
不過呢一刻我地實在食唔落啦!
只好影番幾張靚相，再帶佢返屋企慢慢嘆!

Happy Birthday to ME!

Make a WISH!

呢個時候緊係要同老公合照啦!
點知...原來呢到冇人識揸相機ga!
搵佐3個staff幫我地影....結果都係一樣!
唔係手震曚查查，就係影到個人好細粒!

呢張已經係叫最好ga na!

唔知老公下年又會同我去邊到食buffet 呢?