相愛10年

29 Nov 12

10年前的今天
老公在火車上借我的小手取暖，就這樣我們牽手了!
時間飛逝....手牽手共同生活了十個年頭! 

難得我倆都放假，緊係要賀一賀啦!
老公知我想食放題，所以早幾日就打去大喜屋book檯!
可能係平日的關係，唔洗早一星期book都有位!

order紙

刺身 - 厚切三文魚好肥美，象拔蚌好爽脆，北寄貝亦都好鮮甜，甜蝦好大隻但我就覺得一般! 

蒜片牛柳粒 - 牛柳粒只係煮到7成熟，一D都唔韌，好嫩好juicy!

牛油煮帆立貝 -  帆立貝大小適中唔係細細粒，爽口彈牙

蝦天婦羅 - 粉漿唔太厚，甜蝦係半生熟的，有別於一般的天婦羅蝦

芝士年糕 - 我的最愛!! 外脆內軟，年糕煙煙韌韌，中間的芝士咬一口即刻湧晒出黎! 正!

吉列蠔 - 吉列粉漿稍厚，D蠔味道一般

芝士鰻魚反卷+黃金芝士蝦卷+牛油果軟殼蟹反卷 - 平時食放題好少叫壽司食，幸好呢到D壽司唔錯，有水準!

燒香草羊鞍 - 老公話好好食，羶得黎好juicy! (我唔食羊，所以唔知有幾好食!)

燒冬菇串 - 睇落好似燒得好乾咁，但其實裡面好juicy! 而且仲要係由生燒到熟，並唔係淥熟佐再求其燒!

鹽燒牛舌 - 爽口唔韌，正!

焗廣島蠔 - 用沙律醬汁加洋蔥芝士一齊焗，蠔好細隻，兩公婆都唔食洋蔥! 所以覺得呢個麻麻地! 

再呢多一round刺身! 


日式煮牛脷 - 賣相好似麻麻咁，食落有驚喜! 好淋好入味!

呢到甜品只係一人一粒雪米滋，連雪糕都冇!
所以我叫佐個生果生律作結尾! 

食飽飽好滿足!! 

重遊舊地! 火車上留倩影❤ 

人生有幾多個十年？
能夠相愛十年，是很大的福氣及緣份唷!
十週年快樂❤