長洲遊♥

17 March 2013

老公最近轉佐工，終於可以有穩定嘅返工時間同埋例假
朝八晚六，放星期六日! 真係恨死我囉!!

今日兩公婆都放假，老公提議去長洲郊遊
都已經唔記得對上一次踏足長洲係幾時嘅事lu

原本打算1200入到長洲，點知唔知醒
1230先出發仲要miss佐班快船，1430先入到去! 哈....

古靈精怪的老公

今日天氣好適合郊遊
天陰陰，唔太熱，間中有陣陣涼風! 好舒服! 

碼頭沿岸都泊佐好多小船仔

漫無目的地見到有路就行，好寫意! 

呢到周圍都可以見到呢種五顏六色的小花! 好靚唷! 

行行吓，行佐去關公忠義亭，人頭湧湧

原來有好多人喺到影櫻花!
雖然只剩小花三幾朵，但係都好靚!

翻查網上資料，原來呢種係來自台灣的山櫻
有別於日本的櫻花

有d肚仔餓，搵食去

乒乓波咁大粒的魚蛋，好彈牙架!

椒鹽燒魷魚鬚

好貴嘅燴魷魚，不過好好食!

老公話其實今次黎長洲主要目的就係要不停食
介紹佐我去食紅豆餅丫

新鮮熱辣，紅豆餡一d都唔甜，食完好想再食多個!
但老公話仲要帶我去食好野，所以唔俾我再食

呢張notice好有趣!

食佐咁多野，要散散步先得
去沙灘途中見到有好多特色小店

沙灘漫步，拍吓拖先! 

超可愛的鬼仔BB

散完步，老公繼續帶我去食食食
允升甜品 長洲好出名嘅糖水鋪

鎮店之寶 - 芒果糯米滋

皮超薄又好煙韌，芒果肉超大舊又夠甜，絕對一試難忘! 

榴槤糯米滋 - 糯米滋皮稍為厚佐少少但係好軟熟，榴槤餡冇得頂!

芒果綠晶涼粉 - 綠晶涼粉其實係用綠茶粉+海藻粉做成的蒟蒻，爽口彈牙!

芒果腸粉 - 腸粉皮又係好薄而且好滑，芒果一樣都係大大舊!

食完甜品其實已經飽佐一半!
但黎到長洲又可以唔食海鮮呢?
所以轉個頭就走佐去食海鮮lu

2個人，任選3個餸送多碟菜都只係$158! 抵!!!

椒鹽鮮魷

蒜香銀絲蒸蟶子

椒鹽瀨尿蝦

蝦醬通菜

食飽飽，係時候要買d長洲名物返屋企啦!

時來食坊 - 大魚蛋 + 甘永泰 - 蝦丸&墨魚丸

新照記 - 紫米糕+紅豆糕+芝麻糕

今次長洲之行，絕對係喪食之旅!