【重慶7E咖哩王】

1 April 13

之前有一段時間好鍾意同老公去重慶大廈【新德里餐廳】開飯
其實每次都好想去試新野，只不過經常性都俾新德里的staff搶先一步認投佐我地!

去重慶大廈搵食，事前一定要揀定去邊間餐廳食
絕對唔可以去到樓下先慢慢揀!
因為重慶門經常有一大班人聚集，當知道你係黎食飯就會不停塞D傳單俾你，場面猶如"蜜蜂嬲蜜糖"咁
一拎佐D傳單就等如你係佢到食，死拉住你唔放，好恐怖架!

今次決定試新野 - 重慶7E咖哩王

雖然門口寫住"只招待會員"，其實唔係會員都會招待!

點棻後立即送上餐前小食 - 胡椒薄餅，配以印度香草乳酸汁
我同老公都認為新德里的比較好食! 薄餅唔夠脆，乳酸汁好稀，而且亦只得一款冇得揀

主棻黎喇! 特式香燒雞柳
同新德里一樣都係鐵板上，雞肉有少少乾，味道一般

咖哩牛腩
老公唔太食得辣，所以點佐小辣
牛腩好淋，咖哩汁香料味好重! 唔知點解呢到會有牛食囉!? 

有咖哩汁又點可少得薄餅呢!?
芝士薄餅   上枱時候仲好熱辣辣，勁新鮮!
襯熱食，芝士味非常濃郁，配咖哩汁簡直一流!

芒果乳酪
酸酸甜甜好開胃，可惜份量太少
而且成$3X杯，唔抵!
新德里都只係$20/杯，仲要大杯過呢到!

雖然晚市有85折，不過我地都未必會有下次!
都係新德里好食好多!!!