隱世小店【泰金國】+ 人氣甜品【小方糖】

13 June 2013, Thursday

平時多數都係我約媽媽食飯，今次到媽媽約我去食泰國菜
眾所周知，九龍城有好多泰國菜餐館，大大小小的好多間都食過
今次媽媽提議去【泰金國】， 聽到未聽過，心想都唔知好唔好食嘅!?

不過食完之後就覺得媽媽完全冇介紹錯!
比其他出名的餐館，【泰金國】真係好地道! 絕對係誠意推介!

泰式酸辣鳳爪    
勁足料!

泰式生蝦    
一蝦兩食，蝦身非常新鮮又大隻而且肉質彈牙、鮮甜，連蝦頭都可以食埋!
老公話生蝦個汁好正，好似當年喺芭提雅食到嘅味道! 激讚!!

燒雞翼   
阿姨話必食，不過今晚唔想雞翼所以冇叫! 

燒豬頸肉   
原塊燒好再切片，唔會燒到乾柴!
 
炸蝦餅   
蝦餅夠彈牙而且炸粉夠薄又大件! 抵食!!

媽媽話一定要試試呢到D沙冰wo! 7個人叫佐3款唔同口味

椰汁沙冰  
 試佐2啖，好原汁原味嘅椰汁味道

芒果沙冰   
比較淡口，但清清地都唔錯!

青檸沙冰
飲第一啖嘅時候覺得好酸! 再飲多啖就覺得好好飲
酸酸甜甜咁，好開胃! 每一啖都好有青檸味道，就算飲到尾都唔會覺得淡

冬蔭公湯  
望落好似好辣咁，其實一d都唔辣!  好足料，有好多隻蝦亦都有好多菇!

泰式炒椰菜苗   
每次食泰國菜都會叫炒椰菜苗，今次亦都唔例外!

馬拉盞炒通菜

泰式香茅炸鯽魚
先將鯽魚起肉炸，炸完會砌番靚靚
加埋花生、酸芒果絲、秘製特式香茅醬汁，勁開胃! 絕對係必食推介! 

香草肉碎炒飯   

炒得好乾身，而且好夠穫氣

泰式乾炒河   
睇落好似普普通通咁，但其實同炒飯一樣都係好乾身! 一D都唔油!

泰金國
地址: 九龍城衙前圍道36號A地下

食完泰菜，大家都已經有7成飽!
但一場黎到九龍城又點可以唔食甜品呢!

可能時間尚早，去佐【小方糖】! 好難得冇人等位

芒果樂園  
芒果雪糕+新鮮芒果肉+西米+小丸子+芒果汁，芒果迷必食!

黃金拿破崙
賣相好靚! 拿破崙上面鋪滿了忌廉、芒果仲有芒果醬! 味道恰到好處
可惜拿破崙中間係空心的，冇吉士醬，有別於平時食到嘅拿破崙!

榴槤pancake   
薄薄的pancake皮包、榴槤肉同忌廉比例剛剛好! 食完會好想再食!!


留戀天使  
喜愛榴槤的，一定會好鍾意食呢個!榴槤cream+榴槤肉+榴槤汁+水晶珠，每一啖都係榴槤! 無得頂!!

意式涼粉紅豆冰   

咖啡味涼粉條+大大粒紅豆，只$2x就咁大杯! 好抵呀!!!!

超滿足的一個晚上! 大家都捧住個肚返屋企!

小方糖甜品
九龍城龍崗道23號地下