即興食雞煲【隨變燒烤麻辣雞煲】

13 May 2013, Monday

今日返返吓工，為食同事們突然間話好想打邊爐
有人提議去食雞煲，大家都好贊成! 繼而好興奮咁討論幾時去食
大家都覺得"擇日不如撞日! 就今日啦!" 就係咁，即興雞煲團....成團!!

放工後，一行六人去佐敦【隨變燒烤麻辣雞煲】
上年暑期黎食過，大家都念念不忘，成日都話好想再黎食

吸取上次大辣越食越苦嘅教訓，今次叫佐中辣

響鈴 - 雞煲必食配料! 索晒D辣汁真係超過癮!

脆脘魚腩 - 都幾好食嘅! 不過份量少，唔抵食! 

秋耳 - 其實即係黑木耳! 配埋D辣汁食一流! 

午餐肉 - 食雞煲又點可以少佐佢呢，可惜遇上"午餐肉怪人"! 我只係食佐一塊咋! 

炸黃鱔皮 - 同事們話已經唔再好食! 一望已經睇到只係普通炸魚皮
問staff點解唔係黃鱔皮，staff話一定係! 佢話如果我地唔滿意，可以唔計錢!

可憐嘅我，食都未食過就俾佢收走佐 

薯粉 - 又一必食配料! 正正正!

食到咁上下，雞煲味道開始變淡! 於是就加佐辣雞湯!
加完之後變佐"血鍋"! 好嚇人! 哈哈....

食完雞煲熱辣辣，諗住去【佳佳甜品】食番碗冰凍嘅馬蹄西米露!
點知未係時候，只限夏天供應! so sad!!
冇馬蹄西米露唯有食香芋茸蓮子西米露!
原來都好好味架! 可惜掛住食，冇影相

食飽飽，好滿足!!