【CoCo 壹番屋】

25May2013, Saturday

以前老公未轉工嘅時候，好多時星期六都會外出用膳
但自從老公轉佐5天工作之後，就只會係隔個禮拜，我收早的時候會出外用膳
有時如果遇著我要返娘家的話，一個月就只得一次機會!

今日咁岩有機會，收工後去佐apm閒遊
apm food court自從冇佐【Pepper Lunch】之後已經冇野好食! 老公又諗唔到食咩好!?
見時間尚早，我就提議不如去隔離鱷魚恤中心嘅【CoCo 壹番屋】

一直都好想食，可惜次次經過都見到有好多人等位! 好怕要等好耐所以一直都食唔到!
今日終於有機會喇!
7 點鐘黎到，出奇地只係有得2 pair人等緊位! 10分鐘都唔洗就有枱喇!



我們點了2個奄列咖喱飯，再跟了2個set，加 $20 可四選三：餐湯、迷你沙律、飲品、雪䅵

迷你沙律 - 生菜、青瓜片、粟米、車厘茄、紅椰菜配芝麻醬絕對係令人胃口大開!

吉列豬扒奄列咖喱飯雖然飯量可隨個人食量增多減少，咖哩汁辣度亦可隨個人口味選擇辣D/唔辣! 可惜蛋包飯不包括其中! 
吉列豬扒的粉漿厚薄適中，但豬扒不夠鬆化! 日式咖哩汁係甜口的，個人認為辣D會更好味!

牛肉奄列咖喱飯老公話牛肉好淋! 但咖哩汁太多! 少番D會好D!

雪䅵 - Haagen-dazs的Strawberry & Cookies and cream

飲埋杯餐茶之後，大家的肚皮都有快要爆開了的感覺!
好有罪惡感!!!