Rubber Duck + 文華雞飯

6 June 2013, Thursday

喺rubber duck岩岩黎到香港嘅時候已經同老公講好想好想去睇鴨鴨
不過佢唔多理我，仲同我講想睇就自己去睇

上兩個禮拜我真係諗住自己去睇架，點知鴨鴨洩氣了，冇得睇!

見鴨鴨仲有幾日就要走，趁今日放假，老公又諗唔到去邊
於是就拉佐佢去陪我睇鴨鴨啦!

終於見到鴨鴨嘅真身! 好興奮呀! 原來真係好大隻架!

正面睇，仲duck意唷! 

可憐的小鴨已經變得黑黑的了

嘩嘩嘩....big爆mon喇! 

開始日落喇!

玩吓相機裡面d效果先 

大鴨與小鴨

 

人山人海

潮聖完，去佐山林道嘅【文華雞飯】食海南雞飯

呢到d海南雞有白雞&燒雞揀! 我地大家都揀佐白雞配油飯!

油飯的份量多得驚人，相對地顯得海南雞好少
不過油飯唔夠乾身，好濕! 雞肉夠滑，但味道一般! 就算配埋特製醬汁食，都冇乜特別!

好睇唔好食! 

老闆推介的新加坡叉燒

叉燒好瘦又切得好細舊，味道同平時食嘅叉燒差唔多，只係多佐d叉燒汁囉!
呢碟叉燒盛惠$75，唔抵囉!

薏米水    
如果唔係天氣熱想飲d凍野解渴，都唔會叫黎飲! 自己煲嘅仲好飲!

試過就算，絕對唔會有下次!