單車遊♥

9 June 2013, Sunday

自從老公買佐單車後，成日都叫我同佢一齊去踩單車
不過好多時我都唔理佢，放假緊係要休息吓架嘛!

琴晚臨訓前，老公又提議今日早D起身去踩單車
我唔知痴佐邊條根，竟然答應佐佢囉!

11點幾起身，整裝待發後就出發去大埔攞車
今日嘅路程係由大埔出發踩去沙田食野再踩返去大埔
初初起步嘅時候天色仲好好，勁大個太陽，超曬!

踩到吐露港就開始冇太陽，繼而開始落雨tim
以為係過雲雨，點知越落越大，被迫要停車避雨

停吓又落吓，停吓又落吓。。搞到我地踩吓又停吓
當踩到出馬場嘅時候竟然越黎越大雨，好似倒水咁
點知沿路完全冇瓦遮頭，想避雨都冇得避
喺冇得揀嘅情況下，唯有淋住雨、滴晒水咁踩出沙田

幾經辛苦，終於到達目的地【禾輋富榮咖啡】
為佐呢個沙嗲牛肉麵，淋雨淋到底底都濕晒! 真辛苦

自家製沙嗲汁、冇"那"過嘅牛肉、唔會淋嘅公仔麵
呢到嘅沙嗲牛肉麵係我食過最好食的，亦都係我唯一鍾意食的! 

食飽飽，係時候要準備回程喇

踩到去雙子橋，停低佐休息休息，順便吹吹風吹番乾d衫

過幾日係端午節，好多人喺城門河加緊練習!

老公睇到入晒神囉! 

天陰陰，好驚會又落雨

Happy Moment!! 

係時候繼續踩喇! GO。。GO。。。GO。。。。！！

實在太耐太耐冇踩過單車喇!
返到屋企，pat pat 超痛、對腳又勁酸軟，灘喺張床到完全唔想郁!
老公話我太耐冇做運動，所以咁快就有呢D症狀wo!

雖然好攰，但係同老公一齊過佐個咁充實嘅星期日，絕對係值得嘅!!